Comments 0  

طريقة كتابة اعلانات جذابة

 
طريقة كتابة صيغ الاعلانات
 
من اسهل ما يمكن في نفس الوقت كتابة صيغة اعلان تشد اللي يقراها لما تعرفي ان المفتاح الحقيقي لأي اعلان جذاب هو انك تركزي على  احتياج اللي هيقرا الاعلان
 
بمعنى انك لو بتعلني عن منتجات تخسيس هيبقى هدفك الناس اللي عاوزة تنزل وزنها وبالتالي انتي اكيد عارفة ان اغلب الستات على طول بتعمل ريجيم ورياضة واغلب الوقت النتايج مبتكونش زي اللي نفسهم يوصلوله وبالتالي يبقى

انتي لما تيجي تعلني عن منتج معين للتخسيس تركزي على الاحتياج
يعني بدل ما تكتبي الاعلان بالشكل اللي جاي دة:
"يوجد لدينا منتجات للتخسيس والرشاقة آمنة وصحية تماما"
تكتبي الاعلان بالصيغة دي:
"تعبتي من الريجيمات الكتير وزهقتي من التمارين اللي مبتجيبش نتيجة؟ عندنا وبس منتج التخسيس الرائع واللي ثبت انه بيخسس 10ك شهريا بدون ريجيم وصحي وآمن تماما ومش هتلاقيه بالسعر دة الا عندنا وبس"
 
شفتي انتي بنفسك الفرق بين الاعلانين؟
 
كمان بالنسبة لينا كمسوقات لما نيجي نعلن عن شغلنا نركز على احتياج التاجرة للتسويق
مفيش تجارة ناحجة ومربحة بدون تسويق واي تاجرة كل اللي نفسها فيه ان مبيعاتها تزيد وعدد جروبها وصفحتها يكبر واعلانات منتجاتها تكون صيغتها حلوة ودة بالضبط اللي انتي تقدري تقدميه ليها وتقدري تقدميلها اكتر من كدة كمان
 
يبقى لازم اعلانك عن شغلك يشد اي تاجرة وفي اكتر من صيغة وانتي وذوقك وترتيبك في الكلام ممكن تطلعي اكتر من صيغة وتغيري الصيغة كل يومين او تلاتة
 
اهم حاجة في الاعلان عشان يكون اعلان ناجح:
-         يكون بسيط في طريقته ومفيهوش مبالغات
-         ميكونش فيه اي كدب يعني لو منتج معين مثلا غير مسموح بيه للحوامل والمرضعات تكتبي كدة فعلا
-         ميكونش طويل يعني اقصى حاجة 3 سطور مش اكتر
-         ميكونش مبتذل (يعني زي مثلا اللي بيكتبوا مين قال هات؟ وخليكي احلى من سمارة والحاجات الغريبة دي)
-         يكون بيعبر جدا عن اللي تقدري فعلا تقدميه عشان من صيغة الاعلان اللي بتكتبيها سواء عن شغلك او عن منتجات بتاعت عميلة تانية دة بيلفت نظر تاجرات تانيين ليكي
 
جربي تكتبي كل يوم 4 او 5 صيغ مختلفة عن اي منتجات تقابلك واقري كتير الاعلانات اللي مكتوبة في جروبات الاعلانات شكلها ايه واتعلمي منها
 

هل أعجبك الموضوع ؟
جميع الحقوق محفوظة 2013 ©